Muth ka Nuksan

مشت زنی کا عذاب اسکے اسباب و نقصانات اور اس سے چھٹکارا کیسے حاصل کریں

حضور نبی کریم ﷺ نے ارشاد فرمایا،

” اپنے ہاتھ سے نکاح کرنے والا ملعون ہے۔”
(فتاویٰ رضویہ،جلد ۱۰،صفحہ ۸۰)

امام اہل ِ سنت مجدد دین وملت الشاہ مولانا احمد رضا خان علیہ رحمۃ الرحمن اپنے ہاتھ سے غسل واجب کرنے کے بارے میں لکھتے ہیں :”یہ فعل ناپاک، حرام اورناجائز ہے۔”
(فتاویٰ رضویہ ،ج ۱۰،نصف اول، ص۸)

ہاتھ سے غسل واجب کرنے کے بارے میں وعیدیں

اپنے ہاتھ سے غسل واجب کرنے کے بارے میں بھی کئی وعیدیں بیان کی گئی ہیں۔مثلاً

(1) علامہ شمس الدین ذہبی علیہ الرحمۃ نقل کرتے ہیں کہ رحمت عالم ﷺ سے مروی ہے کہ ”سات لوگ ایسے ہیں کہ جن پر اللہ تعالیٰ نے لعنت فرمائی ہے اور بروز قیامت ان کی جانب نگاہ رحمت نہ فرمائے گا۔اور ان سے فرمائے گا کہ جہنم میں داخل ہونے والوں کے ساتھ داخل ہو جاؤ،بشرطیکہ یہ توبہ نہ کریں۔

  1. بدفعلی کرنے والا۔
  2. کروانے والا۔
  3. جانور سے برا کام کرنے والا۔
  4. ماں اور بیٹی سے نکاح کرنے والا۔
  5. اپنے ہاتھ سے غسل واجب کرنے والا۔
    (کتاب الکبائر ،ص۶۳)

(2) علامہ محمود آلوسی علیہ الرحمۃ تفسیر روح المعانی میں لکھتے ہیں، ”حضرت عطاء علیہ الرحمۃ سے مروی ہے ،”میں نے سنا ہے کہ بروز قیامت ایک قوم کو اس حال میں لایا جائے گا کہ ان کے ہاتھ حاملہ ہوں گے ،میرے خیال میں یہ وہ ہوں گے جو اپنے ہاتھ سے غسل واجب کیا کرتے تھے۔”

مزید لکھتے ہیں،”حضرت سعید بن جبیر رضی اللہ عنہ سے مروی ہے کہ ”اللہ تعالیٰ نے ایک ایسی قوم کو عذاب میں مبتلاء فرمایا جو اپنی شرمگاہوں کا غلط استعمال کیا کرتے تھے۔”(روح المعانی،المؤمنون :۳، الجزء الثامن عشر،ج۹،ص۱۶)

مشت زنی کے اسباب

”آہ!گناہوں کے سیلاب کی ہلاکت سامانياں ،یہ فحاشی اور عریانی کا طوفان، مخلوط تعليمی نظام،مختلف شعبہ ہائے زندگی ميں مردوں اور عورتوں کا اختلاط، T.V اور INTERNET پرفلميں ،ڈرامے اور شہوت افزاء مناظر،رسائل و جرائد کے SEX APPEAL مضامين وغيرہ نے مل جل کر آج کے نوجوان کو باؤلا بنا ڈالا ہے ۔

عربی مقولہ ہے ”الشباب شعبۃ من الجنون”يعنی جوانی ديوانگی ہی کا ايک شعبہ ہے،آج کے نوجوان پر شيطان نے اپنا گھيرا تنگ کر ديا ہے ،خواہ بظاہر نمازی اور سنتوں کا عادی ہی کيوں نہ ہو ،اپنی شہوت کی تسکين کے ليے مارا مارا پھر رہا ہے ،معاشرہ اپنے غلط رسم و رواج کے باعث بے چارے کی شادی ميں بہت بڑی ديوار بن چکا ہے ،امتحان،سخت امتحان ہے ،مگر امتحان سے گھبرانا مردوں کا شيوہ نہيں ۔صبر کر کے اجر لوٹنا چاهیے کہ شہوت جتنی زيادہ تنگ کرے صبر کرنے پر ثواب بھی اتنا ہی زيادہ ملے گا ۔اگر شہوت سے مغلوب ہو کر اس کی تسکين کے ليے ناجائز ذرائع اختيار کئے تو دونوں جہاں کا نقصان اور جہنم کا سامان ہے۔۔

حضرت سيدنا ابو الدردا ء رضی اللہ عنہ فرماتے ہيں ،”شہوت کی گھڑی بھر پيروی طويل غم کا باعث ہوتی ہے”۔يہ لکھتے ہو ئے کليجہ کانپتا اور حيا سے قلم تھرّاتا ہے مگر ميری ان معروضات کو بے حيائی پر مبنی نہيں کہاجا سکتا بلکہ يہ تو عين درس حيا ہے ۔”اللہ عزوجل ديکھ رہا ہے”يہ ايمان رکھنے کے باوجود جو لوگ اپنے زعم فاسد ميں ”چھپ کر”بے حيائی کا کام کرتے ہيں ان کے ليے حيا کا پيغام ہے ۔

افسوس

آہ! گندی ذہنيت کے حامل کئی نوجوان(لڑکے اور لڑکياں)شادی کی راہيں مسدود پا کر اپنے ہی ہاتھوں اپنی جوانی برباد کرنا شروع کر ديتے ہيں ۔ابتداء ًاگرچہ لطف آتا ہو،مگر جب آنکھ کھلتی ہے تو بہت دير ہو چکی ہوتی ہے ۔ياد رہے!يہ فعل حرام و گناہ ِکبيرہ ہے اور حديث پاک ميں ايسا کرنے والے کو ملعون کہا گيا ہے ۔اور اس کے ليے جہنم کے درد ناک عذاب کا استحقاق ہے ، آخرت بھی داؤپر لگی اور دنياميں بھی اس کے سخت ترين نقصانات ہيں ،اس غير فطری عمل سے صحت بھی تباہ وبرباد ہو کر رہ جاتی ہے۔

ايک بار يہ ”فعل”کر لينے کے بعد پھر کرنے کو جی چاہتا ہے اگر معاذاللہ عزوجل چند بار کر ليا تو ورم آجاتا ہے اور عضو کی نرم و نازک رگيں رگڑ کھا کر دب کر سست ہو جاتیں اور پٹھے بے حد حساس ہو جاتے ہيں اور بالآخر نوبت يہاں تک پہنچتی ہے کہ ذرا بد نگاہی ہوئی ،بلکہ ذہن ميں تصور قائم ہوا اور منی خارج ،بلکہ کپڑے سے رگڑ کھا کر ہی منی ضائع۔”منی”اس خون سے بنتی ہے جو تمام جسم کو غذا پہنچانے کے بعد بچ جاتا ہے ۔ جب يہ کثرت کے ساتھ خارج ہونے لگے گی تو خون بدن کو غذا کيسے فراہم کریگا ؟ نتيجۃًجسم کا سارا نظام درہم برہم۔

اس فعل بد کی26 جسمانی آفتيں

  1. دل کمزور
  2. معدہ
  3. جگراور
  4. گردے خراب
  5. نظر کمزور
  6. کانوں ميں شائیں شائیں کی آوازیں آنا
  7. چڑ چڑا پن
  8. صبح اٹھے تو بدن سست
  9. جوڑ جوڑ میں درد اور آنکھیں چپکی ہوئیں
  10. ”منی”پتلی پڑ جانے کی صورت میں تھوڑی تھوڑی رطوبت بہتی رہنا،نالی ميں رطوبت پڑی رہنا اور سڑنا ،پھر اس سبب سے بعض اوقات زخم ہو جانااور اس ميں پیپ پڑ جانا
  11. شروع میں پیشاب میں معمولی جلن
  12. پھر مواد نکلنا
  13. پھر جلن میں اضافہ
  14. یہاں تک کہ پرانا سوزاک ہو کر زندگی کو ایسا تلخ کردیتا ہے کہ آدمی موت کی آرزو کرنے لگتا ہے
  15. ”منی”کا پتلی ہونے کے سبب بلا کسی خیال کے پیشاب سے پہلے يا بعد پیشاب میں مل کر نکل جانا اسی کو ”جریان”کہتے ہیں جو شدید ترین امراض کی جڑ ہے
  16. عضو میں ٹیڑھا پن
  17. ڈھیلا پن
  18. جڑ کمزور
  19. شادی کے قابل نہ رہنا
  20. اگر جماع میں کامیاب ہو بھی گیا تو اولاد کی امید نہیں
  21. کمر میں درد
  22. چہرہ زرد
  23. آنکھوں میں گڑھے
  24. شکل وحشیانہ
  25. تپ دق(یعنی پرانا بخار)
  26. پاگل پن۔

پاگل ہو جانے کا ایک سبب

ايک اطلاع کے مطابق جب ایک ہزار تپ دق(يعنی پرانا بخار) کے مريضوں کے اسباب پر غور کيا گيا تو يہ بات سامنے آئی کہ414 مشت زنی کے سبب،186کثرت جماع کے باعث اور بقيہ ديگر وجوہات کی بناء پر مبتلائے تپ دق ہوئے تھے۔124پاگلوں کا امتحان کرنے پر معلوم ہوا کہ ان ميں سے 24(يعنی تقريبا ہر پانچواں فرد)اپنے ہاتھ سے منی خارج کرنے کی بناء پر پاگل ہوا تھا ۔

کرلے توبہ رب کی رحمت ہے بڑی قبر ميں ورنہ سزا ہو گی کڑی

مشت زنی سے چھٹکارا کس طرح حاصل کریں؟

سب سے پہلے اس گناہ سے پکی سچی توبہ کریں۔ توبہ کا طریقہ میں نے پوسٹ کر دیا ہے۔ ملاحظہ فرما لیں۔
مزید اس کے اسباب پر غور کریں کہ یہ گناہ مجھ سے کیوں سرزد ہو رہا ہے۔ بری صحبت کی وجہ سے، فلموں ڈراموں کی وجہ سے، انٹرنیٹ کے غلط استعمال کی وجہ سے یا بدنگاہی کی وجہ سے جو بھی سبب ہو اسکو فوراً دور کریں اور اچھی صحبت اختیار کریں۔ اپنے آپ کو نیک کاموں میں مشغول کریں۔ جب بھی گناہ کرنے کا دوبارا ذہن بنے تو وضو کر لیں۔ اور ہر وقت “لاحول” شریف کی کثرت کرتے رہیں انشاءاللہ اس عادت سے چھٹکارا حاصل ہو جائے گا۔ یاد رکھیں نفس و شیطان بھرپور کوشش کرے گا کہ آپ اس عادت سے چھٹکارا نہ حاصل کر پاؤ مگر آپ نے اپنے اس ارادے پر پختگی کے ساتھ قائم رہنا ہے۔

مزید ایک اور بات کہ کھانا کم کھائیں کہ پیٹ بھر کھانے سے بھی شہوت کو فروغ ملتا ہے۔ سب سے بہتر یہ ہے کہ روزہ رکھنے کی عادت ڈال لیں کہ روزہ شہوت کا توڑ ہے۔

اللہ پاک عمل کرنے کی توفیق عطا فرمائے۔ آمین

اپنا تبصرہ بھیجیں