اسلام میں درود شریف کو بے پناہ اہمیت حاصل ہے۔ یہ نہ صرف اللہ کے نبی ﷺ سے محبت کا مظہر ہے بلکہ ہر مشکل اور پریشانی سے نجات کا ذریعہ بھی ہے۔ درود شریف کی برکتوں پر مبنی کئی واقعات موجود ہیں، جن میں ایک مشہور اور دل چسپ واقعہ “درود ماہی” کا ہے۔

درود ماہی کا واقعہ

ایک بزرگ رحمۃ اللّٰہ علیہ دریا کے کنارے وضو کر رہے تھے کہ اچانک ایک مچھلی پانی سے باہر نکلی اور درود شریف پڑھنے لگی۔ یہ دیکھ کر بزرگ حیران ہو گئے اور مچھلی سے پوچھا کہ اس نے یہ درود شریف کہاں سے سیکھا؟ مچھلی نے جواب دیا کہ ایک دن میں نے دریا کے کنارے ایک فرشتے کو یہ درود شریف پڑھتے ہوئے سنا تھا، اور وہیں سے میں نے اسے یاد کر لیا۔ تب سے، ہر آفت اور بلا سے محفوظ ہوں۔ یہ واقعہ “درود ماہی” کے نام سے مشہور ہوا اور یہ درود شریف کی برکتوں کی ایک روشن مثال ہے۔ ⁽¹⁾

درود شریف کی اہمیت

اس واقعہ سے ہمیں درود شریف کی برکتوں کا پتا چلتا ہے۔ یہ نہ صرف انسان بلکہ دیگر مخلوقات کے لیے بھی رحمت کا ذریعہ ہے۔ قرآن و حدیث میں بارہا درود شریف پڑھنے کی تلقین کی گئی ہے۔ اللہ پاک نے خود بھی نبی کریم ﷺ پر درود بھیجنے کا حکم دیا ہے۔