انبیاء علیہم السلام کے رتبے اور انکے کمالات کا بیان

انبیاء علیہم السلام کے مراتب ⁽¹⁾مرتبے ، درجے میں فرق ہے۔ بعضوں کے رتبے بعضوں سے اعلیٰ ہیں۔ سب سے بڑا رتبہ ہمارے آقا و مولیٰ سیّد الانبیاء ⁽²⁾نبیوں کے سردار محمد مصطفی ﷺ کا ہے۔ حضور ﷺ خاتِم النبیّین ہیں۔ اللہ تعالیٰ نے نبوت کا سلسلہ حضور ﷺ پر ختم فرما دیا۔ حضور ﷺ کے بعد کسی کو نبوت نہیں مل سکتی۔ جو شخص حضور ﷺ کے بعد کسی کو نبوت ملنا جائز سمجھے وہ کافر ہو جاتا ہے۔

تمام انبیاء علیہم السلام کو جو کمالات جدا جدا عنایت ہوئے وہ سب اللہ تعالیٰ نے حضور ﷺ کی ذات عالی میں جمع فرما دیے اور حضور ﷺ کے خاص کمالات بہت زائد ہیں۔ حضور ﷺ اللہ تعالیٰ کے محبوب ہیں۔ خدا کی راہ انبیاء علیہم السلام ہی کے ذریعے ملتی ہے اور انسان کی نجات کا دارو مدار انہیں کی فرمانبرداری پر ہے۔