اگر کسی شخص کی مذی خارج ہو جائے تو اس سے غسل فرض نہیں ہوتا بلکہ صرف وضو ٹوٹ جاتا ہے۔

مذی ناپاک ہوتی ہے، اس لیے اگر یہ کپڑے یا جسم پر لگ جائے تو ان کو پاک کرنا واجب ہوتا ہے۔

کپڑوں سے مذی پاک کرنے کا طریقہ

اگر کپڑے پر مذی لگ جائے تو پاکی کا شرعی طریقہ یہ ہے:

1. جس جگہ مذی لگی ہو، اسے اچھی طرح پانی سے تین بار دھوئیں
2. ہر بار دھونے کے بعد کپڑے کو اپنی طاقت کے مطابق نچوڑیں
3. مذی میں چونکہ چکناہٹ ہوتی ہے، لہٰذا اس کا اثر ختم کرنا ضروری ہے
4. اگر چکناہٹ تین بار دھونے میں ختم نہ ہو تو مزید بار دھونا واجب ہے

نل کے نیچے دھونے کی صورت

اگر نل کے نیچے دھونا ممکن ہو (جیسا کہ آج کل عام ہے) تو:

• کپڑے کا متاثرہ حصہ نل کے نیچے رکھ دیں
• پانی بہاتے رہیں اور ہاتھ سے چکناہٹ دور کرتے رہیں
• جب غالب گمان ہو جائے کہ مذی کا اثر ختم ہو گیا ہے تو کپڑا پاک ہو جائے گا

بدن پر مذی لگنے کی صورت

اگر مذی بدن پر لگ جائے تو وہ حصہ پانی سے دھونا کافی ہے۔ لیکن چکناہٹ کا اثر یہاں بھی زائل کرنا لازم ہے۔

وضو کا حکم

مذی خارج ہونے کے بعد وضو ٹوٹ جاتا ہے، اس لیے نماز یا قرآن کی تلاوت سے پہلے نیا وضو کرنا واجب ہوگا۔

نوٹ: مذی کا خروج، احتلام یا انزال سے مختلف ہے، اس سے غسل فرض نہیں ہوتا، صرف وضو ٹوٹتا ہے اور جسم/کپڑے کو پاک کرنا ہوتا ہے۔