روزہ و قرآن شفاعت کریں گے

روزہ و قرآن شفاعت کریں گے اور بخشش کا بہانہ

مدینے کے سلطانﷺ فرماتے ہیں، روزہ اور قراٰن بندے کیلئے قیامت کے دن شفاعت کریں گے۔ روزہ عرض کریگا، اے رب کریم عزوجل ! میں نے کھانے اور خواہِشوں سے دن میں اسے روک دیا، میری شفاعت اس کے حق میں قَبول فرما۔ قرآن کہے گا ، میں نے اسے رات میں سونے سے باز رکھا، میری شفاعت اس کے لئے قَبول کر۔ پس دونوں کی شفاعتیں قَبول ہوں گی۔“
(مسند امام احمد ج۲ص۵۸۶حدیث۶۶۳۷)

بخشش کا بہانہ

امیرالمؤمنین حضرت مولائے کائنات ، علی المرتضٰی شیر خدا کَرّم اللہ تعالیٰ وجہہ الکریم فرماتے ہیں ، ”اگر اللہ عزوجل کوامّت محمدی ﷺ پر عذاب کرنا مقصود ہوتا تو ان کو رمضان اور سورہ قل ْ ھوَاللہ شریف ہرگز عنایت نہ فرماتا ۔“
(نزہۃ المجالس ج۱ص۲۱۶)

ڈر تھا کہ عصیاں کی سزا اب ہوگی یا روزِ جزا
دی ان کی رحمت نے صدا یہ بھی نہیں،وہ بھی نہیں
(حدائق بخشش)

اپنا تبصرہ بھیجیں