وحی کی اقسام مع وحی کی تعریف
نبی اس انسان کو کہتے ہیں جس کی طرف اللہ پاک نے مخلوق کی ہدایت و رہنمائی کے لیے وحی بھیجی ہو اور ان میں سے جو نئی شریعت یعنی اسلامی قانون اور خدائی احکام لے کر آئے اسے رسول کہتے ہیں۔ یہاں سوال یہ پیدا ہوتا ہے کہ آخر وحی کی تعریف کیا ہے اور اسکی اقسام کتنی ہیں؟ آئیے اس کا جواب حاصل کرتے ہیں۔
وحی کی تعریف اور لغوی معنی
نبی ہونے کے لیے اُس پر وحی ہونا ضروری ہے، خواہ فرشتہ کی معرفت ہو یا بلا واسطہ۔ وحی کے لغوی معنی یہ ہیں: پیغام بھیجنا، دل میں بات ڈالنا، خفیہ بات کرنا۔ جبکہ شریعت کی اصطلاح میں وحی سے مراد وہ خاص قسم کا کلام ہے جو کسی نبی پر اللہ پاک کی طرف سے نازل ہوا ہو۔ نیز وحی نبوت، انبیاء علیھم السلام کے لیے خاص ہے، جو اسے کسی غیر نبی کے لیے مانے وہ کافر ہے۔
وحی کی اقسام یا صورتیں
انبیاء کرام کے حق میں وحی کی تین اقسام ہیں:
- اللہ پاک سے ڈائریکٹ کلام سننا۔
- فرشتے کے ذریعے سے وحی کا آنا۔
- انبیاء کرام کے دل پر وحی کا نزول ہونا۔
